ჩვენ ისტორია

დავით წურკავა

კომპანია: «ბათუმი რეალტორი», «ბათუმიმანია», «მეგა ჰოლდინგი».

ვებ-საიტი: http://www.batumi-realtor.comhttp://www.batumimania.com

როგორ დაიბადა იდეა:

როდესაც 8 წლის წინ ცოლთან ერთად დავბრუნდი საქართველოში, ჩვენ ვიყავით ახალგაზრდები და ენერგიულები, მოგვიწია ყველაფრის თავიდან დაწყება.

ტურიზმი იწყებდა განვითარებას, და ჩვენ გადავწყვიტეთ გვეცადა ჩვენი თავი სხვადასხვა სფეროებში: ზაფხულში ვხატავდით ტატუებს ინათი ბულვარში სკამზე, ვიყავით თავისუფალი მხატვრები, ვიღებდით ქორწილებს, ვაკეთებდით სასკოლო ბარათებს პირველკლასელებისთვის. უძრავი ქონებით დაკავება იმ მომენტისთვის მოგვეჩვენა საინტერესო იდეად, რადგან ეს იდეა არ საჭიროებდა ზედმეტ ინვესტიციებს.

 

პირველი ნაბიჯები და განვითარება:

ეს იყო კრახი — პირველი 2 თვე ტყუილად ვირბინე… ვმუშაობდი ოფისის გარეშე, მქონდა მარტო ფოტოაპარატი და ნოუთბუქი. ბინების სურათებს ვინახავდი სამუშაო მაგიდაზე „პაპკაში“, ხოლო კლიენტების ბაზას ვაწარმოებდი Excell -ში. მესამე თვეს დავფარე პირველი მინი გარიგება, შემთხვევით შევახვედრე მეპატრონე კლიენტთან და გავაკეთე პირველი 230$! მაგრამ სიხარული არ იყო ხანგრძლივი… მესამე თვე ისევ წარუმატებელი აღმოჩნდა. კლიენტები სისხლს მიშრობდნენ, არ ენანებოდათ ჩემი დრო, ხოლო როდესაც ვახვედრებდი მათ მოწონებული ბინის მეპატრონესთან, ისინი ყველანაირი გზებით გადიოდნენ პირდაპირ მეპატრონეზე, მტოვებდნენ კომისიის გარეშე…

მეორე გარიგება კატასტროფა აღმოჩნდა, რადგან მომიწია კომისიის დაბრუნება არაადეკვატური ბინის მფლობელებისთვის. ერთხელ ჩემმა კოლეგამ, რომელიც დაკავებულია ამ ბიზნესით, დამაწყნარა და მითხრა: „ დავით, ეს ისეთი სფეროა — შენ ან ბევრს მიაღწევ ან საბოლოოდ დაანებებ ამ საქმეს თავს…“

 

10622789_1061136950568715_101611936450201519_n

ჩვენ არ დავნებდით)) 2 წლის შემდეგ, შეცდომებზე სწავლის მეთოდით, ჩვენ გვქონდა უკვე 9 ფილიალი ბათუმში, 7 სერვის მანქანა, შტატი 60 ადამიანისგან და პირველი და ერთად ერთი საიტი უძრავი ქონების შესახებ ბათუმში. დამატებით ჩვენ გაგვიმართლა — ჩვენ მოვხვდით ქალაქის მშენებლობის ბუმის პერიოდში. ქალაქში ჩვენ ვიყავით ერთად ერთი კომპანია, რომლის სპეციალიზაცია იყო ასევე ახლად აშენებული ბინების გაყიდვა. ყველა პოტენციალურ კლიენტს არ ჰქონდა სხვა ალტერნატივა არც საძიებო სისტემაში, არც ქალაქში ჩამოსვლისას. ბათუმში არავინ მუშაობდა ახლად მშენებარე კომპანიებთან ჩვენს გარდა, არავის ჰქონდა საიტი, ნორმალური ოფისი, შტატი, სერვის მანქანები და ა.შ. კლიენტი სასიამოვნოდ გაოცებული იყო, როდესაც სხვა სააგენტოების ფონზე ჩვენთან მას ხვდებოდნენ ღიმილით, აჯენდნენ დივანზე და უზარმაზარ ეკრანზე ფინჯანი ყავის თანხლებით აჩვენებდნენ ქალაქის და სამშენებლო სექტორის პრეზენტაციას, შემდეგ სერვის მანქანაზე უტარებდნენ უფასო ექსკურსიას უძრავ ქონებაზე.

ჩვენ ავღმოვჩნდით სწორ დროს სწორ ადგილას. პლუს, ჩვენი „ფიშკა“ ყოველთვის იყო ახალი ტექნოლოგიები, ჩვენ გვიყვარს სასიამოვნოდ გაოცება. მხოლოდ „ორბი გრუპი“-ს კომპანიას, დაახლოებითი დათვლით, გავუყიდეთ უძრავი ქონება 16,5 მილიონზე. იმ დროისთვის ჩვენი კომპანია მყარად იდგა ფეხზე: ჩვენ შევისყიდეთ ცენტრალური ოფისი, ვმოგზაურობდით, ვიყიდეთ ბინა, მაგრამ მე ვიცოდი, რომ ეს ფორტუნა დროებითი იყო. ჩვენ გვესმოდა, რომ მალე გამოჩნდებოდა 1000 კონკურენტი კომპანია, და ასევე გვესმოდა, რომ 99% დამოკიდებულები ვართ უცხოელ მყიდველებზე.

ჩვენი მიზანი იყო გავსულიყავით ადგილობრივ მომხმარებელზე, რაც მოგცვემდა სტაბილურ შემოსავალს წელიწადში 12 თვე. დამიჯერეთ, ტიტანური ძალისხმევა მოვიხმარეთ. კონკურენციის ზრდასთან ერთად და სხვა ფილიალებში კარგი მენეჯმენტის არქონის გამო, ჩვენ დავხურეთ 8 ფილიალი და თავიდან გადავხედეთ სააგენტოს კონცეფციას. მე შთამაგონეს ისეთმა მსოფლიო უძრავი ქონების სააგენტოებმა, როგორიცაა Remax и Century21, რომლის სპეცალიზაცია იყო თავისი ფრანშიზის გაყიდვაზე. ჩვენ გადავწყვიტეთ ჩამოგვეწერა ყველაფერი და გამოგვივიდა 350 გვერდიანი წესდება ))

ჩვენმა სააგენტომ ისევ დაიწყო განვითარება, ჩვენ აღვმოფხვერით ქაოსი, წარმატებით გავხსენით ჩვენი 2 პირველი ფრანშიზა ბათუმში, რომელმაც წესდების სრული დაცვით გამოისყიდა საკუთარი დანახარჯი პირველი თვეებში. ახლა ჩვენ თავიდან ვაკეთებს მოძველებულ საიტს, მე გავედი უძრავი ქონების საქმედან და დაკავებული ვარ ფრანშიზების განვითარებით, ვატარებ ტრენინგებს პერსონალისთვის, დავაარსე თბილისში (ესეც შეცდომებზე სწავლით) კომპანია „ბრავო გრუპი“, რომელიც ერთ წელიწადში გადავიდა დიდი კომერციული ფართების სეგმენტის შემუშავებაზე. ამ ეტაპზე თავიდან ვწერ კომპანია „ბათუმი რეალტორის“ წესდებას და ვიღებ დივიდენდებს ცენტრალური ოფისიდან და, ასევე ორი წარმატებით გახსნილი ფრანშიზიდან, ვმუშაობ განვითარებაზე და ვახდენ ინვესტირებას თბილისურ კომპანია „ბრავო გრუპ“-ში, რომელმაც აიღო მაღალი თამასა.

მეწარმის სულისკვეთება, განწყობა, კრედო:

იმის შემდეგ, რაც ორი წლის განმავლობაში გავხსენი 3 წარუმატებელი ფილიალი დედაქალაქში — რადგან თბილისი არ მემორჩილებოდა: ბათუმთან შედარებით სრულიად განსხვავეული ქალაქია, და მოსახლეობაც:-), სამსახურში მოვაწყე და გავანთავისუფლე ზუსტად 365 ადამიანი (გადავხედეთ შექმნილი და წაშლილი აქაუნთების ისტორიას), გავხსენი „ბრავო გრუპი“, ერთ წელიწადში გადავხედე და ავირჩიე სწორი სეგმენტი, — მეგობარი მეძახის «რემბო»-ს, თანამშრომელი «ჰითლერ»-ს, კონკურენტები «ჯეიმს ბონდ»-ს.

მე მაქვს ორი საყვარელი ციტატა. ერთი ჩემია, და მეორე არა. ჯერ ის, რომელიც ჩემია: ფული არის სწორი გადაწყვეტილებების შედეგი. ის, რომელიც არ არის ჩემი, მაგრამ ძალიან მომწონს: „რაც უფრო მეტს ვმუშობ, მით უფრო მეტად მიმართლებს“.